Ko e Kindy ‘i Queensland (Tongan)

Ko e hā ‘a e kindy?

Ko e Kindergarten, ‘a ia ‘oku ‘iloa ko e kindy, ko ha polokalama ako ‘ikai taimi kakato ma’a e longa’ifānau ‘i he ta’u ko ia kimu’a pea nau toki hū ki he lautohi si’i. Ko e kau koia ki he polokalama kindy ‘oku malava ai ke ako ho’o tama ‘o fou he va’inga, feohi mo ha ngaahi kaungāme’a fo’ou pea mo teuteu’i ia ki he liliu ki he hū ki he lautohi si’i.

Ko e ngaahi polokalama kindy kuo ‘osi fakangofua ‘e he Queensland Government ‘oku fa’u ia makatu’unga ‘i he va’inga pea fakahoko ‘e ha faiako kuo ‘osi ma’u faka’ilonga ‘i he ako tokamu’a. Ko e ngaahi polokalama kindy ‘oku malava ke fakahoko ia ‘i he ngaahi senitā ako tokamu’a; ‘i he ni’ihi ‘o e ngaahi ‘apiako mama’o ‘oku tu’u ki ‘uta; pea mo e ako fe’ave’aki pe ko e eKindy ma’a e ni’ihi e longa’ifānau ko ia ‘oku ‘ikai ke nau lava ‘o ‘alu ki ha senitā.

Ko e ako ‘i he kindy

‘I he kindy, ‘oku ako’i e longa’ifānau ‘o fakfou ‘i he va’inga ke nau:

  • ngāue’aki e lea ke fakafetu’utaki’aki ha ngaahi fakakaukau pea mo e ngaahi ongo
  • fa’u ha ngaahi kaume’a, pea vahevahe mo va’inga mo ha ni’ihi kehe
  • ako ‘o fakafou he ngaahi a’usia fo’ou
  • ma’u ha loto lahi ange mo ongo’i mālohi
  • fakatātāa’i kinautolu ‘aki e ngaahi tā valivali, tau’olunga pea mo e faiva
  • langa hake ‘enau ‘ilo, fekumi ki ha ngaahi fakakaukau fo’ou pea tokoni’i kinautolu ke nau fiefia mo ma’u ha kamata lelei ki he teu hū ki he lautohi si’i.

Founga lesisita

Ko e longa’ifānau ‘i Kuinisilani, ‘oku malava ke nau hū ki he kindy ‘i he ta’u kimu’a pea nau toki hū ki he lautohi si’i. ‘Oku kehekehe pe hono fakahoko e ngaahi sēvesi pea ko e ni’ihi  ‘oku malava ke ‘i ai ha’anau lisi talitali, ko ia ai ‘oku sai ange ke ke fetu’utaki ki he kindergarten kuo ke ‘osi fili felāve’i pea mo e taimi ‘oku lelei taha ke lesisita ai ‘a ho’o tama.

Ke lava ho’o tama ke hū ki he kindy kuopau ke kakato hono ta’u 4 ‘i Sune ‘aho 30.

 ‘Aho fa’ele’i ho’o tama Lava ‘o hu ki he kindy
1 Siulai 2013 ki he 30 Sune 2014 2018
1 Siulai 2014 ki he 30 Sune 2015 2019
1 Siulai 2015 ki he 30 Sune 2016 2020
1 Siulai 2016 ki he 30 Sune 2017 2021
1 Siulai 2017 ki he 30 Sune 2018 2022
1 Siulai 2018 ki he 30 Sune 2019 2023

Ko e hā ‘a e ngaahi me’a ‘oku fiema’u ke lesisita’aki ho’o tama:

  • hingoa mo e tu’asila ho’o tama
  • fakaikiiki ‘o’ou ko e matu’a, tokotaha ‘oku ne tokanga’i pe ko ha tauhi
  • fakaikiiki ‘o ha ngaahi tu’utu’uni ‘a e fakamaau’anga pe ngaahi tu’utu’uni ki he matu’a pe ngaahi palani
  • fakaikiiki ‘o ha ngaahi fiema’u makehe (hange ko ha faingata’a’ia fakasino, me’akai ‘oku ‘ikai sai ki ai pe ko ha toe ngaahi fiema’u kehe)
  • fakamo’oni pau ki hono ‘aho fā’ele’i (hangē ko e tohita’u)
  • tu’unga ‘o ‘ene mo’ui fakasino pea mo ‘ene ngaahi huhu malu’i
  • fakaaikiiki ‘o kinautolu kuo fakangofua’i ke nau omi ‘o ‘ave ho’o tama he tuku ‘a e ako pea ko hai ‘e tala ki ai ‘o ka hoko ha me’a fakatu’upakē.

Ko ho’omou kau fakahoko fatongia te nau tauhi ‘a e ngaahi fakamatala ni ke fakapulipuli pea ‘e lava ke ke ‘atā ke ma’u kotoa ‘a e ngaahi lekooti ‘a ho’o tama.

Fili ha polokalama kindy

Ko e kotoa e longa’ifānau ‘i Kuinisilani ‘oku nau ‘atā ke hū ‘i he ta’u kimu’a pea nau toki hū ki he lautohi si’i ki ha kindergarten kuo ‘osi ma’u ngofua.

Ko e polokalama ‘a e kindergarten kuo ‘osi ma’u ngofua ‘oku hoa ia pea mo e ngaahi fakahinohino ‘a e pule’anga, pea ‘oku:

  • makatu’unga ‘i ha polokalama ako ‘oku fakahoko ‘e ha kau faiako kuo nau ‘osi ma’u faka’ilonga ‘i he ako tokamu’a, ‘o fakatatau ki he ngaahi fiema’u ‘a e pule’anga
  • fa’a fakahoko’aki ‘a e houa ‘e 15 ‘i he uike, uike ‘e 40 ‘i he ta’u, ma’a e longa’ifānau ‘i he ta’u ko ia kimu’a pea nau hū ki he lautohi si’i
  • muimui ofi mo fakatatau ki he polokalama ako kuo ‘osi fakamafai’i ‘e he Queensland Kindergarten Learning Guideline pe ko e Queensland Curriculum and Assessment Authority.

Ke tokoni atu ki hono ma’u ha polokalama kuo ‘osi fakangofua’i ‘e he Queensland Government, fakasiosio ‘a e ‘kindy tick’.

Kindy tick

Ko e hā e ngaahi totongi kindy

‘Oku kehekehe pe ‘a e ngaahi totongi ako he ‘oku fakafalala ia ki he ngaahi fakahoko fatongia ‘oku fai. Fetu’utaki ki he kindy kuo ke fili ki ha ngaahi fakaikiiki felāve’i mo e fa’unga ‘enau totongi ako.

‘Oku ‘i ai ha kindergarten totongi ma’ulalo pe ta’e totongi ma’a e ngaahi fāmili ‘oku taau ke fili’i, ‘o kau ai e ngaahi fāmili ‘oku nau tauhi/pusiaki’i ha longa’ifānau pea nau:

  • lolotonga ma’u ha Health Care Card (HCC) mei he Pule’anga ‘Aositelelia (pe ‘i ai ha’ane tama ‘oku ne ma’u e kaati tatau)
  • lolotonga ma’u ha Australian Government Pensioner Concession Card (‘oku ‘otometiki pe hono ma’u e ngaahi monu’ia ‘o e HCC)
  • ma’u ha kaati ‘a e Department of Veterans’ Affairs Gold Card pe White Card
  • ma’u ha fetu’utaki faka’ōfisiale, hangē ko ha tohi, mei he potungaue totonu ‘o fakahā atu e fakakaukau ke ‘oatu ha kaati HCC
  • kau ki he matakali Aboriginal pe Torres Strait Islander (pe ‘oku ‘i ai ha’o tamasi’i/ta’ahine ‘oku matakali pehē)
  • ma’u ha longa’ifānau ‘e toko tolu pe lahi ange, nau ta’u motu’a tatau, pea nau lesisita hū ‘i he ta’u tatau.

Ko e tokoni fakapa’anga ko ia ma’a e kindergarten ‘oku totongi ma’ulalo pe ta’e totongi ‘oku ‘ave hangatonu pe ia ki he ako’anga. ‘E malava eni ke tokoni ki hono fakasi’isi’i ho’o fakamole. ‘Oku ala lava ke toki fai ha ‘eke tu’o taha pē, neongo ‘oku ke ma’u ha ngaahi ‘uhinga ‘oku tu’unga ki ai hano fakamaau’i. Ko e ngaahi fāmili ‘o e longa’ifānau ko ia ‘oku nau kau ki he polokalama kindergarten ‘oku nau ako taimi lōlōa ange lolotonga e ‘aho ‘oku malava ke fili’i kinautolu ke ma’u e Commonwealth Government Child Care Subsidy.

Ko e ngaahi fakamatala felāve’i pe ko hai ‘oku ‘atā ki he ngaahi tokoni fakapa’anga ko eni ‘a e Pule’anga ‘oku ma’u atu ia mei he Centrelink.

Ko e longa’ifānau ko ia ‘oku tokanga’i/pusiaki’i ‘i ha ngaahi fāmili/’api tauhi ‘oku malava ke nau ‘atā ki ha toe tokoni fakapa’anga. Fetu’utaki ki ho’o kindy pea hili ia ki he Child Saf ety Service Centre ki ha toe fakamatala fakaikiiki ange.

Toe fakamatala fakaikiiki

Fetu’utaki ki he Queensland Government ‘i he telefoni 13 74 68
Kumi ‘a e ‘kindy’ ‘i he uepisaiti www.qld.gov.au/earlyyearscount

Published — 07 July 2018 Last updated — 20 September 2018

Want personalised tips and activities?

Complete these short questions to get personalised tips and activities to see how simple and easy it can be.

Get started
01 / 05

What is your relationship with the child?

MotherFatherGrandmotherGrandfatherCarer/Guardian

What best describes your location?

Metro
Regional
Remote

If you had a spare moment, what would you most likely do with the child?

Metro
Regional
Remote

And finally…

Do you speak another language at home apart from English?
Are you of Aboriginal and / or Torres Strait Islander descent?
Does the child need additional support with their development or learning?
Now we know a little more about the content that might interest you we’ve compiled it into a handy page for you.
Go