Kindy i Queensland (Samoan)

O le ā le Kindy?

Kindergarten, po’o le Kindy, o se polokalama a’oa’oga e fa’avaitaimi mo fanau laiti i le tausaga ae le’i a’e i a’oga tulagalua. O le auai i le polokalama o le Kindy e a’oa’o ai lou alo e ala lea i ta’aloga, fa’auo pe fa’amasani fo’i ma isi tamaiti, ma sauniuni ai mo le la’asaga o le a’oga tulagalua.

O ia Kindy polokalama ua fa’amaonia e le Queensland Government, ma e fa’avae i luga o ta’aloga o lo’o faatautaia e faiaoga ua ia te i latou le tomai ma le tusi pasi e fai ai le galuega. E iai faleaoga mo lea polokalama a’oa’oga po’o le Kindy fo’i; o isi faleaoga mo lea a’oa’oga e iai i nu’u i tua; e iai fo’i lea a’oa’oga i luga o le initaneti, po’o le eKindy, mo fanau laiti e le mafai ona auai atu i le faleaoga mo lea a’oa’oga.

A’oa’oga i Kindy

O lea polokalama o le Kindy e fausia lea i luga o ta’aloga mo fanau laiti ia a’oa’oina ai le:

  • Fa’aaogaina o le gagana fa’aperatania e fa’amatala mai ai o latou manatu ma lagona
  • Fa’auo pe fa’amasani fo’i ma isi tamaiti, ta’alo ma fai fa’atasi a latou galuega
  • A’oa’iga mai mea fou i le olaga a’oa’oga
  • Mafai ona fai se galuega mai le loto ma le malosi
  • Fa’ailoa atu o latou lagona e ala lea i ata, siva ma tala
  • Faulauteleina o latou malamalama ma fa’amalosia latou ia sogasogā i a’oa’oga auā le sauniuni atu i le a’oga tulagalua.

E fa’apefea ona lesitala?

I le sitete o Queensland, e mafai e fanau ona auai i Kindy i le tausaga a’o lumana’i le tausaga e amata ai i a’oa’oga tulagalua. E ‘ese’ese lava auaunaga ma o nisi e ono fa’atali i luga o le lisi faatalitali, ma o se tulaga lelei lou talanoa atu i le a’oga kindy ua e filifilia e tusa o le taimi lelei e lesitala ai lou alo.

E tatau ona 4 tausaga o lou alo i le aso 30 o Iuni ona agava’a lea mo le lesitala i Kindy.

Aso fanau Mafai e lou alo ona Auai i kindy
1 Iulai 2013 to 30 Iuni 2014 2018
1 Iulai 2014 to 30 Iuni 2015 2019
1 Iulai 2015 to 30 Iuni 2016 2020
1 Iulai 2016 to 30 Iuni 2017 2021
1 Iulai 2017 to 30 Iuni 2018 2022
1 Iulai 2018 to 30 Iuni 2019 2023

O le a le mea e tatau ona ia te oe ia mafai ai ona lesitala lou alo:

  • Le igoa a lou alo ma le tou tuatusi
  • Tala e fa’atatau ia te oe le matua, po’o le tausifanau, po’o le matuatausi e ala i le tulafono
  • Tala e fa’atatau i pepa mai le fale fa’amasino
  • Tala i mana’oga tāua e fa’atatau i lou alo (fa’ata’ita’iga pe iai ni mea’ai e maua ai lou alo le ma’i pe’a taumafa iai, pe maua e lou alo le lē atoatoa o le tino)
  • Pepa e fa’amaonia ai le aso fanau
  • Pepa e fa’amaonia ai le soifua maloloina a lou alo, fa’apea le tulaga o lona tui puipui
  • Tagata e fa’ataga ona sau e piki atu lou alo, fa’apea latou o ē e fa’afeso’ota’i pe’a tupu se fa’alavelave fa’afuase’i

O lenei auaunaga na te lē tu’ulafoa’ia tusi fa’amaumauga e fa’atatau i lou alo i se isi lava, ma e ia te oe le aiā e mafai ai ona tō mai tusi fa’amaumauga a lou alo pe’a e mana’o ai.

Filifili le polokalama Kindy

O tamaiti uma i Queensland e agava’a i a’oga amata ua fa’amaonia e le malō pe afai ua lesitala i le tausaga ae le’i amata i le a’oga tulagalua. O le polokalama kindergarten ua faamaonia e le malo, ua i ai ta’iala nei:

  • Le polokalama tau ta’aloga o lo’o fa’atino e faiaoga ua agava’a mo lea galuega e tusa ma le faiga fa’avae a le malō
  • E masani ona kiliva lea polokalama i le 15 itula o le vaiaso, 40 vaiaso i le tausaga, mo tamaiti laiti i le tausaga ae le’i amata i le a’oga tulagalua.
  • Le feso’ota’iga o lea polokalama ma le Queensland Kindergarten Leaning Guidelines, fa’apea le Queensland Curriculum and Assessment Authority o lo’o gafa ma le fa’atagaina o le fa’agaioiga o lea polokalama

Mo le fesoasoani ina ia e iloa o polokalama fa’amaonia e le Queensland Government, tagataga’i i the ‘kindy tick’.

Kindy tick

O le ā le tau o le polokalama Kindy?

E ese’ese tau o lea polokalama, ae e fa’alagolago lava i auaunaga ese’ese. Fa’afeso’ota’i le Kindy e te mana’omia mo lou alo ina ia e iloa ai le fa’amatalaga o le tau.

O tau e taugofie ma le lē mana’omia ona totogi mo le kindergarten e saunia lea mo aiga o lo’o agava’a iai, fa’apea tausi aiga o lo’o:

  • I ai le Health Care Card (HCC) a le Malo Ausetalia, pe i ai foi sou alo o lo’o
  • I ai le Australian Government Pensioner Concession Card (agava’a otometi HCC)
  • I ai le Department of Veterans’ Affairs Gold Card po’o le White Card
  • O lo’o ia te oe se tusi mai le ofisa a le malō o lo’o fa’amaonia ai lou agava’a mo le HCC
  • O oe o le tagatanu’u o Ausetalia po’o tagatanu’u motu Torres Strait (po’o lou alo e i ai)
  • tolu pe tele fo’i fanau e tutusa o latou tausaga e lesitala i le tausaga lava e tasi

O le fesoasoani mo le tau taugofie pe leai fo’i mo le kindergarten, e avatu sa’o lava i lē na te faia le galuega. O lea fesoasoani e lelei mo le fa’aitiitiaina o lau tupe fa’aalu. E fa’a-tasi ona e mauaina lea fesoasoani, e tusa lava pe e te pāsia uma mana’oga o le fesoasoani.

Aiga uma a fanau o lo’o i lea polokalama o le kindergarten i le aso atoa i le day care, e ono agava’a mo le fesoasoani a le Commonwealth Government Child Care Subsidy.
Fa’amatalaga e iloa ai pe agava’a lou alo mo ia fesoasoani mai le Commonwealth Government subsidies, e maua lea mai le Centrelink.

O fanau laiti o lo’o tausi i aiga e lē o latou matua e agava’a i le tele o fesoasoani mai le malō. Fa’afeso’ota’i ifo lau Kindy ma fa’afeso’ota’i le Child Safety Service Centre mo fa’amatalaga sili atu i lea mataupu.

Mo isi fa’amatalaga

Fa’afeso’ota’i le Queensland Government i le telefoni 13 74 68.

Published — 07 July 2018 Last updated — 20 September 2018

Want personalised tips and activities?

Complete these short questions to get personalised tips and activities to see how simple and easy it can be.

Get started
01 / 05

What is your relationship with the child?

MotherFatherGrandmotherGrandfatherCarer/Guardian

What best describes your location?

Metro
Regional
Remote

If you had a spare moment, what would you most likely do with the child?

Metro
Regional
Remote

And finally…

Do you speak another language at home apart from English?
Are you of Aboriginal and / or Torres Strait Islander descent?
Does the child need additional support with their development or learning?
Now we know a little more about the content that might interest you we’ve compiled it into a handy page for you.
Go