Kindy lo Queensland (Torres Strait – Creole)

Wanem kindy?

Kindergarten, wea wi kolem kindy, em i part taim ediukeisan program po pikinini po dat yia bipo em stat skul. Ip pikinini blo yu go po kindy program i go elpe em wen em plei, po lan po meke pren, ane elpe em po gede redi po stat skul.

Dem kindy program wanem da Queensland Government bin gri i gud wan, i gad fokas lo plei. Ane da erli childhood tisa uda go ranem i gad prapa treining. Dem kindy program i go bi wea dem erli childhood ediukeisan senta, wea sam ausaid kantri skul. Po sam pikinini uda longwei prom ediukeisan senta dempla ken gedem lo distant ediukeisan o eKindy.

Yu go lan wea kindy

Lo kindy, pikinini go lan lo pleitaim po:

  • lan po spik abaut wanem em rekon ane tingbaut
  •  meke pren, tok ane plei wea wananada
  • lan wen em du niu ting
  • em go gad gud bilib ane piling baut emselp
  • yuze peinting, dans, ane akting po so wiskain em i think
  • stat wea wanem em olredi sabe ane lukraun po niu ting po mekem. Diswan go elpe em po enzoi skul wen em stat.

Wiskain po pute neim lo Kindy

Lo Queensland, pikinini ken stat po go kindy da yia bipo em stat skul. Ebri dem kindergarten i dipren ane po sam yu mait nid po weit, so em i gud aidia po go ane tok po dat kindergarten blo yu baut da bes taim po pute neim po stat de. Pikinini blo yu mas bi 4 yia old bipo 30 Zun po stat wea kindy.

Pikinini bon Pikinini ken stat
1 Zulai 2013 to 30 Zun 2014 2018
1 Zulai 2014 to 30 Zun 2015 2019
1 Zulai 2015 to 30 Zun 2016 2020
1 Zulai 2016 to 30 Zun 2017 2021
1 Zulai 2017 to 30 Zun 2018 2022
1 Zulai 2018 to 30 Zun 2019 2023

Wanem yu go nidem po pute neim blo pikinini blo yu po stat kindy:

  • neim and adres blo pikinini blo yu
  • neim ane adres blo yu ip yu da mada o pada, o kera o yu lukapta em
  • inpomeisan baut eni kort orda o parent orda o plan
  • inpomeisan baut eni spesil nid em gad (wase ip em disabel, sam kaikai em no lau po kaikai o nada nid em gad)
  • yu nid po prubem wen em bin bon (wase birth certificate)
  • ip em helti ane wanem dem nidol em bin gedem
  • inpomeisan baut uda lau po kam ane kolekt pikinini blo yu, ane uda po ringap ip i gad emergensi.

Da kindergarten blo yu go kipe dis inpomeisan seip. Yu go gad rait po luk ol dem rekord da kindergarten go kipem baut pikinini blo yu.

Suze kindy program

Ebri pikinini wea Queensland i gad rait po go po kindergarten wea i prapa wan, lo dat yia bipo em stat skul.

Dem Kindergarten program wanem da Queensland Government bin spik i prapa wan, gad diskain rul:

  • dem erli childhood tisa uda gad da prapa treining, go yuze plei po tise pikinini. Dem tisa mas polo dem rul blo da government
  • dem pikinini go gede 15 hour ebri wik, po 40 wiks ebri yia, lo dat yia bipo em stat skul
  • Dem kindergarten mas polo da Queensland Kindergarten Learning Guideline o dem nada program wanem da Queensland Curriculum and Assessment Authority bin spik i prapa wan. Po paine dem program wanem da Queensland Government bin spik i prapa wan, luk po da ‘kindy tick’.

Kindy tick

Aumas mani po go kindy

Dem kindergarten i gad ol dipren prais. Kontakt da kindy wea yu wande go ane aske dempla aumas i go kost.

Po sam pipol kindergarten go bi fri o lelbet mani o ip yu lukapta pikinini blo nada pamle, wase:

  • ip yu gad Australian Government Health Care Card (HCC) ( opikinini gad HCC)
  • ip yu gad Australian Government Pensioner Concession Card. (Dis min i automatik po gede dat HCC card)
  • ip yu gad Department of Veterans’ Affairs Gold Card o White Card
  • ip yu bin gede leta prom dem pipol de antap wea i spik dat dempla go gibe yu HCC
  • ip yu Aboriginal o Tores Streit Ailanda ( o ip pikinini blo yu)
  • ip yu gad 3 o mo pikinini, blo da seim eiz, uda go stat wea da seim yia.

Ip yu gad rait po gede da kindergarten pri o po lelbet mani, dat government mani go stret po da kindergarten. Dat mani mait min yu no go nid po pei po sam dem ekstra ting. Yu ken onli gedem wantain, iben ip yu gad plenti rizon po gedem.

Dem pamle uda gad pikinini uda go po kindergarten program ane dempla de po long dei, dempla mait also gad rait po gede Commonwealth Government Child Care Subsidy.

Yu ken gede inpomeisan prom Centrelink po paindaut ip yu gad rait po gede sam dem Commonwealth Government subsidy.

Pikinini wea nada pamle o awa ane anti lugut em, em mait also gede ekstra mani sapot. Po gede mo inpomeisan kontakt da kindy blo yu ane den da Child Safety Service Centre.

Mo inpomeisan

Ip yu wande kontakt da Queensland Government ringap dempla lo 13 74 68
Search po ‘kindy’ wea www.qld.gov.au/earlyyearscount

Published — 07 July 2018 Last updated — 20 September 2018

Want personalised tips and activities?

Complete these short questions to get personalised tips and activities to see how simple and easy it can be.

Get started
01 / 05

What is your relationship with the child?

MotherFatherGrandmotherGrandfatherCarer/Guardian

What best describes your location?

Metro
Regional
Remote

If you had a spare moment, what would you most likely do with the child?

Metro
Regional
Remote

And finally…

Do you speak another language at home apart from English?
Are you of Aboriginal and / or Torres Strait Islander descent?
Does the child need additional support with their development or learning?
Now we know a little more about the content that might interest you we’ve compiled it into a handy page for you.
Go